Félag húsbílaeigenda - husbill.is

N.k. laugardag 5. maí er skoðunardagur Félags húsbílaeigenda hjá Frumherja Hesthálsi  6-8 í Reykjavík. Félagar sem eru í Flökkurunum, og búa hér á Stór-Reykjavíkursvæðinu, er velkomið að koma með húsbílinn sinn í skoðun og gleðjast með okkur, skoðun hefst kl. 09.00.  Okkur er  líka boðið að gista á planinu hjá Frumherja á föstudagskvöldinu (laugardagsnóttina) endilega fjölmennið.

Á Akureyri eru Flakkararnir  með sinn skoðunardag  í samvinnu við Frumherja,  einnig 5.maí og eru okkar félagar sem búa fyrir norðan velkomnir með húsbílinn sinn í skoðun  þangað,  og  svo er Skoðunardagur á Sauðárkróki og Fellabæ 12. maí í samvinnu við Frumherja, og eru félagar okkar sem búa á þessum stöðum eða í nágrenni velkomnir með húsbílinn sinn í skoðun þangað,  allt eftir því hvað hentar hverjum og einum. Boðið er upp á pylsur og gos og haft gaman saman. Skoðað er fyrir norðan frá kl. 10.00-14.00.

Skoðunarverð á húsbílum er 5.500 kr. óháð stærð bíls , tilboðið gildir til 27. júní n.k.
20% afsláttur af skoðunarverði á heimilisbílnum og gildir það allt árið.
ATH. Afsláttur er einungis veittur gegn framvísun félagsskírteinis 2012. 

Ágætu félagar.
Þau mistök urðu í bankanum að sendir voru út tveir gíróseðlar til þeirra sem ekki voru búnir að greiða, og eru þeir eru nákvæmlega eins.
Vinsamlega hendið öðrum seðlinum og greiðið hinn.
Bið ykkur sem fenguð tvo seðla innilegrar afsökunar á þessum mistökum. Þetta getur komið fyrir.
Sumarkveðjur til ykkar allra.
Soffía 

Ágætu félagar. Nú eru ekki nema 9 dagar þar til Skoðunardagurinn hjá Frumherja Hesthálsi 6-8  rennur upp og við vonumst til  að við sjá  ykkur sem flest þar.

Eins og hefur komið fram í fréttabréfum þá er okkur boðið að gista á planinu hjá Frumherja á föstudagskvöldinu (laugardagsnóttina) og þeim sem gista á planinu er boðið í morgunverð kl. 8.00 á laugardagsmorgun.
Um kl. 10.00 bjóða Frumherjastarfsmenn svo upp á rjúkanid heitt kaffi og vínarbrauð og þegar nær dregur hádegi upp á grillaðar pylsur og gos. 

Skoðun hefst kl. 9.00 og  er áætlað að ljúki um kl. 14.00, lengur ef þarf. Skoðunin kostar 5.500 kr. óháð stærð bíls. 
Ég vil biðja þá sem ætla að gista á planinu hjá Frumherja á föstudagskvöldinu að senda skráningu á husbill@husbill.is eða í síma 896-5057, svo við höfum einhverja tölu fyrir Frumherjastarfsmenn.

Bestu kveðjur, Soffía