Félag húsbílaeigenda - husbill.is

Stjórn félags húsbílaeigenda ítrekar til þeirra félagsmanna sem enn hafa ekki greitt félagsgjöld sín, fyrir árið 2010, að gera það fyrir 1. október n.k.  Greiði félagsmenn ekki gjaldið fyrir þann tíma, detta þeir af félagsskrá og missa  um leið númer sín.

Vinsamlegast tilkynnið úrsagnir úr félaginu til formanns í síma 896-5057 eða á netfang husbill@husbill.is og þeir sem hætta í félaginu eða selja bíla sína eru vinsamlegast beðnir um að fjærlæga númer og merki félagsins af bílunum.

Með bestu kveðju, Soffía G. Ólafsdóttir, formaður

Eins og mbl.is greinir frá í dag, þá er næturfrost farið að láta á sér kræla, allavega hér á Suðurlandi, og því gott að gera ráðstafanir í sambandi við við vatnsmálin í húsbílunum. Margir setja á haustin þvottaklemmu á öryggisventlana á miðstöðvunum, svo þær tæmi sig ekki þegar hitinn fer niður undir frostmarkið, en þá er holllara að muna eftir því að fjarlægja klemmuna að ferð lokinni. Annars er hætta á því að eitthvað frostspringi ef frostið hækkar skyndilega. Bara nett áminning:-) - Kv. Netstjórinn

Ágætu félagar!
LEIÐRÉTT VERÐ - Vegna misskilnings, hjá okkur, fóru um daginn rangar tölur vegna árshátíðarinnar hér inn á heimasíðuna, en þar sem um er að ræða lækkun, þá er þetta bara gleðilegt og ætti að verða til þess að enn fleiri komast.

Okkur stendur einnig til boða að gista tvær nætur, þ.e. koma föstudaginn 15. okt. og árshátíðin er svo á laugardeginum 16. okt. en í neðangreindum verðum er ekki innifalinn matur á föstudagskvöldinu. ...lesa meira

Rata ekki allir að Logalandi í Reykholtsdal?
Fyrir þá sem koma að sunnan þá akið þið eins og þið ætlið norður í land, en rétt áður en þið komið að brúnni hjá Borgarnesi þá beygið þið til hægri, inn á Borgarfjarðarbraut vegur nr. 50, og akið eins og þið ætlið til Húsafells, farið í gegnum húsaþyrpingu sem heitir Kleppsjárnsreykir, beygið svo til hægri áður en þið farið yfir brúna á Reykjadalsá, og þá blasir félagsheimilið við ykkur.
Þeir sem koma norðan megin þá beygið þið inn á Borgarfjarðarbrautina veg nr. 50 (vegurinn er líka nr. 50 þarna sami vegurinn) og keyrið eins og þið ætlið í Reykholt, en þeir sem koma þarna megin fara yfir brúna (Reykjadalsá) og beygið til vinstri.... Vona að þetta sé sæmilega skýrt!

Svo var verið að setja inn myndir frá ferðum sumarsins, og alltaf eru einhverjar breytingar og nýjar auglýsingar á sölusíðunni. - Kv. Netstjórinn.

Ágústferðinnni, sem er gjaldfrí fyrir alla þá félaga sem greitt hafa árgjaldið fyrir 2010, er heitið að Logalandi í Borgarfirði. Ferðin er helgina 20. - 22. ágúst. Að Logalandi erum við svo heppin að hafa hús til afnota og hvetjum við félagsmenn til að nýta sér þá aðstöðu sem við höfum aðgang að.
Skemmtinefndin ætlar að treysta því að félagar verði duglegir að skemmta sér sjálfir og nefndin ætlar að njósna um félagana og sjá hvernig tekst til. ...lesa meira

Kæru félagar.
Nú eru aðeins 4 dagar þar til Stóra ferðin hefst eða n.k. laugardag 10. júlí, að Freysnesi. Við höfum frétt að nokkrir félagar séu lagðir af stað og enn aðrir eru að fara á miðvikudag,  fimmtudag og föstudag. Það er spáð roki í nótt sem á að ganga yfir á morgun svo hugið vel  að veðrinu ágætu félagar og teflið ekki í neina tvísýnu þetta gengur fljótt yfir. Það er margt að skoða á þessari leið  sem við ...lesa meira

Jæja þá er dagskrá Stóruferðarinnar um Austurland að skýrast og er hægt að skoða hana inn í fréttinni og/eða í pdf skjali sem hægt er að prenta út á eitt A-4 blað og/eða lesa. Ferðanefndin kemur síðan að sjálfsögðu með dagskrána á blaði og afhendir við skráningu í Freysnesi.... ...lesa meira

Ágætu félagar. Þá er komið að 3. ferð félagsins þ. 18. júní -20. júní að Hallgeirsey, tjaldstæðið Grandavör, ekið niður með Þverá og farið í gegnum Vestur Landeyjar. Það hefur engin aska fallið á þessu svæði og spáin er alveg þokkaleg. Félagar sem greitt hafa árgjaldið 2010 greiða 1.000 kr. á bíl fyrir helgina, frá föstudegi til sunnudags. ...lesa meira