Gestabók

Brauðmolar

Athugið að þetta er gestabók, en ekki frísvæði fyrir auglýsingar einstaklinga og/eða fyrirtækja. Vinsamlega snúið ykkur með slíkar beiðnir, þ.e um auglýsingar og/eða tilboð, til netstjóra, á: netstjori@husbill.is

Soffía Ólafsdóttir #24
laugardagur 04. febrúar 2012

Nú er fréttabréfið fyrir febrúar komin inn á heimasíðuna og þeir sem eru með netföng hafa fengið það sent til sín, þeir sem ekki eru með netföng fá fréttabréfið í pósti.

Minni ykkur á að greiða félagsgjöldin og skráning í Óvissuferðina er hafin þið sjáið allt um þetta í fréttabréfinu og hér inn á síðunni. Endilega skráið ykkur sem fyrst í ferðina.

Nú er vor í lofti og svei mér þá ef maður er ekki byrjaður að telja niður í sumarið.

Kv.Soffía Keili 24
Benedikt #687 123.is/bspsola
fimmtudagur 02. febrúar 2012

Alltaf verið að spá og skoða, virðist vera nokkuð gott tilboð hjá Norrænu. Er orðið næsta víst að við förum seinniparts sumars .
Gaman að vita hvort fleiri eru að spá
Guðbjartur #487
fimmtudagur 02. febrúar 2012

Kæru húsbílaeigendur er einhver vaknaður af vetrardvalanum og farnir að spá í ferðir erlendis með Norrænu?
´Soffía Ólafsdóttir #24
miðvikudagur 01. febrúar 2012

Samhjálp leitar eftir stuðningi þínum.

Kæri lesandi þessarar auglýsingar sem fjallar um lifróður.

Samhjálp varð 39 ára núna 31.jan síðastliðinn. Fjöldi þeirra sem hafa farið um hjá Samhjálp og hlotið nýtt líf
eða öðrum orðum BJARGAST, er afar mikill. Eftir "hrun" hefur þyngst verulega í starfinu en í húsum Samhjálpar
eru yfir 1oo manns í rúmi á nóttu hverri. Á Kaffistofu Samhjalpar fá yfir hundrað manns mat daglega.
Bara matarkostnaðurinn er gífurlegur, þó annað sé ekki talið.
Bið þig að hjálpa okkur að hjálpa öðrum og fá þér annað hvort sjúkrakassa í húsbílinn eða heimilið eða vinnustaðinn eða sumarbústaðinn
eða til að gefa . Kassin er á 7900,- og veit ég að þetta er afar gott verð.
Við erum einnig með barmmerki sem kosta 1500,- þau eru á spjaldi með upplýsingum um LÍFRÓÐURINN sem hafinn er
til að bjarga þessu mikla starfi.
Hjálpsamir hafi samband í síma 6902440 eða sendi mail á bjorglar@internet.is

Bestu þakkir
Björg L.
Sigga #487
þriðjudagur 31. janúar 2012

Erla, sérvitur húsfreyja með meiru á Skagaströnd, missti bónda sinn hann Gísla á dögunum. Kella hringdi suður í Fréttablaðið í þeim erindagjörðum að setja dánartilkynningu í blaðið eins og gengur.
Þegar hún hafði náð sambandi við réttu deildina og var spurð að því hvaða texta mætti bjóða henni að setja í greinina sagði hún:

GÍSLI ER DAUÐUR.

Maðurinn í símanum varð svolítið vandræðalegur en sagði svo eftir smá hik, sko hérna, þú borgar nú hvort eð er fyrir sex orð svo má ekki bjóða þér að notfæra þér það?
Kella hugsaði sig um í smá tíma og sagði svo: jú,

GÍSLI ER DAUÐUR, TOYOTA TIL SÖLU!
Soffía Ólafsdóttir #24
laugardagur 28. janúar 2012

Einn léttur svona í helgarsárið, náði í þennan brandara á"vinabókinni" hjá góðri húsbílavinkonu.

Komið var að því að fara með bílinn í skoðun og skildi það , aldrei þessu vant vera í verkahring eiginmannsins. Að skoðun lokinni sendi hann konu sinni eftirfarandi SMS: Fékk heila. það kom snarlega svar frá frúnni : Frábært elskan, veit þig hefur vantað hann lengi, en mundirðu eftir að fara með bílinn í skoðun?

góða helgi
Soffía
Soffía Ólafsdóttir #24
fimmtudagur 26. janúar 2012

Hæ kæru félagar.
Já nú er hann aldeilis búinn að snjóa og snjóa og voða gott að vita af húsbílnum inni í góðu húsi, en það verður ljúft þegar við getum farið að strjúka þessum elskum hátt og lágt þegar sól hækkar á lofti.
Nú erum við á fullu að safna auglýsingum í félagatalið og mig langar að beina því til ykkar félagar góðir hvort þið vitið um einhverja sem vilja auglýsa í bókinni góðu endilega látið okkur vita eða látið þá sem vilja auglýsa hafa samband með því að senda okkur tölvupóst husbill@husbill.is og við sendum upplýsingar um hæl, það er gífurlega mikið atriði að við getum safnað auglýsingum í félagatalið svo það standi undir kostnaði og gefi okkur eitthvað í aðra hönd líka.
Er það eitthvað sem þið viljið sjá í félagatalinu sem ekki er þar, látið okkur vita um það einnig.
með bestu kv.Soffía
María Guðmundsdóttir #162
fimmtudagur 26. janúar 2012

Nú er gott að hafa bílinn inni í húsi og þá dundar maður sér bara við annað um helgar. Já Gyða það verður gaman að komast í húsbílinn þegar sól hækkar á lofti og snjórinn farinn. Ég læt fljóta með einn léttan eins og Jóhanna.
Eiginmaðurinn var að hátta sig fyrir nóttina, leit niður á gráu bringuhárin sín og sagði" Nokkur fleiri grá hár í viðbót og ég fer á eftirlaun" þá heyrðist í kerlunni,
"líttu lengra niður og þá færðu örorkubætur" :)
Gyða #591
þriðjudagur 24. janúar 2012

Heil og sæl.
Ég er sammála síðasta ræðumanni, við gætum nú verið líflegri hér á gestabókinni, en fólk er kannski ekki alveg komið í þann gír, að hugleiða ferðalög sumarsins, enda veðrið þannig að marga langar að skríða í hýði, eins og bangsarnir.
Ég var að lesa á facebook, hjá Útilegukortinu, að nokkrir staðir hafa " dottið" út og aðrir komið inn, t.d. er Blönduós, Eyrabakki, Faxi og Hvammsvík ekki á kortinu 2012, en nýjir staðir komnir á kortið eins og Steinsstaðir Skagafirði, flottur staður, Sandgerði, Lundur í Öxarfirði, Skagaströnd og Mosfellsbær.
Þetta er bara spennandi og Veðurklúbburinn á Dalbæ ( elliheimilinu á Dalvík) spáir sólríku og góðu sumri :-)
Svo er bara að bíða eftir ferðaáætlun sumaarsins hjá félaginu.
Jóhanna Haraldsdóttir #200
þriðjudagur 24. janúar 2012

Komið þið sæl kæru félagar og gleðilegt nýtt ár! Nú geisar veturinn hjá okkur í öllu sínu veldi en vonandi lýkur honum sem fyrst og að við fáum gott ferðasumar. En mér finnst vera ansi lítið um að vera hér inni á gestabókinni okkar. Enginn tjáð sig lengi. Hafið þið ekkert skemmtilegt að segja. Ég var að skoða gestabókina hjá Flökkurum rétt í þessu og þar sem hún var öllu líflegri þá datt mér í hug að stela einum góðum brandara þar og setja hann hér og vona ég að það verði til þess að fleiri fari að tjá sig. Upp með húmorinn. Þið hljótið að hafa eitthvað skemmtilegt að skrifa.

Það fjölgar bráðlega í fjölskydunni, elskan sagði unga eiginkonan við manninn sinn. Bráðum verðum við þrjú. Nei er það satt ? jibbý Það er yndislegt, sagði maðurinn. Já er það ekki. Pabbi og mamma eru að skilja og mamma ætlar að flytja til okkar. Kveðja frá okkur á Vegbúanum.