Félag húsbílaeiganda

Sælir félagar. Skoðunardagurinn tókst vel, það voru skoðaðir 53 bílar sem er 20 bílum fleira en var í fyrra á skoðunardegi. Boðið var upp á grillaðar pylsur, kaffi og konfekt. Eftir skoðun var farið á Voga á Vatnsleysuströnd, og voru þar á milli 50 og 60 bílar á föstudeginum sem fjölgaði vel eftir skoðun á laugardeginum enduðum með 80-90 bíla. Farið var í útileiki á laugardeginum í góðu veðri. Var ekki annað að sjá að allir hafi notið þess að hitta félagana til að spjalla. Þetta var góð helgi, gott tjaldstæði, þó svo það mætti huga betur að salernismálum, en það stendur til bóta. Um Hvítasunnuhelgina vorum við með Íþróttahúsið í Þykkvabæjar og dvöldum þar í góðu yfirlæti þrátt fyrir leiðinlegt veður. Hér settu veðurguðirnir strik í reikninginn, það komu færri bílar en ella, mættu 49 bílar, sennilega fámennasta Hvítasunnuferð sem farin hefur verið. „Fámennt og góðmennt“ eins og máltakið segir. En það skemmtu sér allir mjög vel og höfðum við það gaman saman, fengum allar útgáfur af veðri.

Föstudagur 8. júní: Hattadagur! Kl:21.00. Komum saman upp í húsi, Ella Bjarna nr. 525, kennir línudans. Söngbókin tekin fram og eru félagar hvattir til að koma með hljóðfærin sín. Höfum það bara, gaman saman.