Fréttir

Skýrsla formanns.. Góðan daginn kæru félagar og mikið gleður það okkur að sjá hversu vel er mætt til vinafundar. Ég vil biðja fólk að rísa úr sætum og minnast látinna félaga með hluttekningu og hlýju. Kæru vinir. Nú ljúkum við þessu frábæra ári með aðalfundi og sannarlega er margs að minnast, enda árið viðburðaríkt eins og ævinlega hjá okkur í Félagi húsbílaeigenda. Takk fyrrverandi formenn: Þegar hugur reikar til baka þetta fyrsta ár mitt sem formaður tekur ánægja völd hvað starfið varðar. Bestu þakkir fyrrum formenn fyrir ykkar góða og fórnfúsa starf og Anna Pála þakka þér fyrir að treysta okkur Daða fyrir keflinu. Þetta hefur verið afar lærdómsríkt og í heildina bráðskemmtilegt ár hjá okkur þó vissulega hafi verið brekkur enda starfið viðamikið og við í byrjun rennblaut á bak við eyrun. En við létum það ekki á okkur fá. Það eru ævinlega brekkur í lífi sérhvers manns og þá er ekkert í boði annað en að klífa þær og njóta þess svo að halda áfram veginn.

Góðan dag kæru félagar og vinir. Stjórnin hélt fund um daginn og þar var eftirfarandi ákveðið. Þeir sem ætla að mæta í lokaferð og á árshátíð verða að vera búin að leggja inn á reikning félagsins í síðasta lagi viku fyrir hátíðina sem verður haldið að Laugalandi í Holtum þann 21. september nsk. Verðið er í algjöru lágmarki eða aðeins kr. 9000. miðinn. Ath. að félagið okkar mun greiða niður að lágmarki kr. 4000 á hvern miða.

Kæru félagar og vinir. Það gustaði sannarlega um okkur í Brautartungu um helgina eins og reyndar alla aðra á suðvestur horninu. En það breytti því ekki að alls 85 bílar mættu á svæðið.81 félagsbíll og 4 gestir. Ferðin og helgin gekk í alla staði vel hvað félagið varðar og ég vil enn á ný þakka öllu því ómetanlega fólki sem lagði hönd á plóginn við að gera helgina ógleymanlega.

Kæru félagar. Þá er stærsta ferð okkar að baki þetta árið. Hún lukkaðist í alla staði vel þegar að félaginu kemur en því miður bilaði t.d einn bíllinn í Ýdölum og einhverjar aðrar bilanir urðu. Það reddaðist þó allt með góðra vina hjálp. Veðrið var aldrei slæmt og stundum frábært, en hefði vissulega sumstaðar getað verið betra. En húsbílafélagar láta það ekki á sig fá gleði og samstaða réðu ríkjum allan tímann. Okkur var alstaðar tekið vel og erum hjartanlega velkomin aftur á alla staði sem við gistum á. Ártún við Grenivík er virkilega flott tjaldstæði og við hjónin erum staðráðin í að gista þar þegar við förum norður fyrir aftur. Eins kom Grenivík okkur á óvart, virkilega fallegur og snyrtilegur bær og sundlaugin einstök.

Hjartans þakkir fyrir ógleymanlega ferð kæru vinir og félagar. Það gefur okkur alltaf svo mikið sem vinnum að þessum ferðum að finna jákvæðni, gleði og bara tæra hamingju skína af hverju andliti. Ég hefði bara ekki trúað því hversu gefandi það er að skynja þetta í ferðum okkar og fyrir það er ég þakklát. Rétt um 100 bílar í allt og maður skynjaði strax hversu mikil ánægja ríkti vegna góðrar þátttöku beggja félaga.

Góðan dag gott fólk. Þá líður að næstu ferð okkar til móts við Flakkara á Hvammstanga svo ég skerpi hér aðeins á helstu atriðum. Það reyndist ekki næg þátttaka fyrir markað í félagsheimilinu á laugardeginum, kannski bara næst. Auðvitað geta þeir sem vilja haft með sér varning og selt á tjaldstæðinu. Á föstudagskvöldið hvetjum við alla til að koma saman og syngja með okkur, við hittumst við þjónustumiðstöðina kl. 21:00. Við yrðum ógurlega þakklát ef við fengjum einnig hljóðfæra leikara til að spila undir með okkur. Við erum svo lánsöm að hafa frábæra gítar og harmonikkuspilara í okkar röðum, svo kæru vinir ef þið mætið endilega komið með hljóðfærin ykkar með. Þið líka Flakkarar!

Kæru félagar og vinir. Mig skortir eiginlega orð til að lýsa gleði minni og þakklæti eftir þessa hvítasunnuferð okkar. Hvorki fleiri né færri en 257 manns og 32 börn samankomin i Þykkvabæ, takk fyrir takk. Allt gekk vel fyrir sig og öll dagskrá til fyrirmyndar. Ég er sérstaklega glöð yfir öllum þessum börnum, þessir gleðigjafar lífga sannarlega upp á ferðir okkar og ég vona að börn muni halda áfram að heiðra okkur með nærveru sinni. Við munum gera þeim hátt undir höfði áfram og sérstaklega í þessari ferð. Veislukaffið var ljómandi vel lukkað og setur alltaf hátíðarblæ á þessa ferð.

Hér er viðtalið við okkur Daða og Önnulísu. Við fórum í loftið kl. 7:45

Komið þið sæl kæru félagar og vinir. Þá er komið að maí fréttabréfi undirritaðrar. Fyrsta ferðin: Við höfum nú fyrstu ferðina að baki og er sannarlega óhætt að segja að hún hafi heppnast vel. Yfir 70 bílar mættu í Vogana og allir meira en tilbúnir í sína fyrstu útilegu. Það ríkti gleði og almenn ánægja með að vera að hittast í fyrsta sinn þetta árið. Þessi frábæra mæting gladdi stjórn og nefndir mikið. Vinna vetrarins hefur verið talsverð og hún skilar sér enn betur með samstöðu og jákvæðni félaga. Ef ég fer lauslega yfir helgina þá stendur skoðunarferðin upp úr hjá mér, þátttaka framar björtustu vonum og ég held að ég geti fullyrt að engin hafi verið svikin af þeirri ferð.

Góðan dag kæru félagar. Vel var mætt til vina fundar: Þá er ferðafundur afstaðin og öll sem þangað mættu orðin vel upplýst um ferðaplön félagsins. Það fyrsta sem kemur upp í hugann þegar ég hugsa til fundarins er þakklæti. Þakklæti fyrir frábæra mætingu og jákvætt viðmót allra sem mættu. Okkur í stjórn og nefndum var full ljóst að tímasetningin gæti orkað tvímælis. Það er ekki amalegt veganesti fyrir nýjan formann, stjórn og nefndir að hafa fundið þá hlýju og meðbyr sem okkur var sýndur þar. Nú á fundinum var farið vítt og breytt þó hann sé fyrst og fremst ferðafundur félagsins.