Sælir félagar og gleðilegt sumar..

Nú er ferðafundur ný afstaðin og þar mættu um 150-170 mans. Þar upplýsti formaður ferðanefndar Ásgeir M. Hjálmarsson hvert verður haldið í ferðum sumarsins.                                                              

Danfríður E. Þorsteinsdóttir fór yfir það sem skemmtinefndin hefur í huga varðandi skemmtileg heit í ferðum sumarsins. Nú látum við  okkur bara hlakka til.

Ásdís Pálsdóttir nr. 404 talaði um útilegukortið og verðlag á tjaldstæðum og beindi því til stjórnar að fá nokkra félaga til að vinna í því,  hvort Félag húsbílaeigenda vegna fjölda félaga gæti fengið afslátt á tjaldstæðum víðsvegar um landið. Það yrði svo sett inn á heimasíðunna okkar. Henni finnst ekki nógu mikið gert í þessu að hálfu stjórnar. Stjórnin tók þetta til sín og ætlar að hrinda þessu í framkvæmd.

Á Stjórnarfundi 23. maí s.l. skipti stjórnin tjaldstæðunum sem ekki eru með Útilegukort á milli sín eftir svæðum. Ætlum við að senda tölvupósta og kanna hvort Félag húsbílaeigenda geti fengið afslátt vegna fjölda félaga í okkar félagi. Svo sjáum við hvað kemur út úr því.

Í lok fundar voru félagatölin og félagsskírteini afhent þeim félögum sem voru búnir að greiða félagsgjöldin fyrir árið 2018.

Síðan var boðið upp á kaffi og kleinur.

1. Ferð  4.-6. maí. Skoðunarhelgin. Skoðun fer fram í Reykjanesbæ, verð fyrir skoðun er 7.400 kr. eftir skoðun verður farið í Voga á Vatnsleysuströnd.

2. Ferð    18.-21. maí.    Hvítasunnan. Íþróttahúsið Þykkvabæ

3.  Ferð  8.-10.  júní.     Helgarferð.  Félagsgarður í Kjós

4.   Ferð 22.-24. júní.    Helgarferð.  Hvolsvöllur

5.  Ferð 13.-22. júlí.       Stóra-Ferð. Vesturland og Snæfellsnes

6.  Ferð 17.-19. ágúst.   Helgarferð . Brautartunga

7.  Ferð 14.-16. september.   Árshátíð, 35 ára Afmæli og Lokaferð í Garðinum

Stóra-Ferð 2018.  Vesturland / Snæfellsnesið

Föstudagurinn   13. – 15. júlí Akranes => tvær nætur.

Sunnudagurinn  15.- 17. júlí Traðir => tvær nætur.

Þriðjudagurinn   17.- 20. júlí Stykkishólmur => þrjár nætur.

Föstudagurinn    20.- 22. júlí Árblik => tvær nætur

Skoðunardagurinn / Vogar 4.-6. Maí.     Útilegukort. 

 Skoðað verður laugardaginn 5. maí  í skoðunarstöð Frumherja Njarðargötu 7,  260 Reykjanesbæ. Skoðun hefst kl:09.00 og kostar 7.400 kr. Gegn framvísun á félagsskírteini 2018. Ykkur er heimilt að leggja fyrir utan skoðunarstöðina aðfaranótt laugardagsins. Eftir skoðun verður haldið í Voga á Vatnsleysuströnd og verðum þar það sem eftir er helgarinnar. Við ætlum að gera eitthvað skemmtilegt, meðan við dveljum þar.                                            Kl: 16.00 á laugardeginum verður spilað Útibingó, ef veður leifir, spjaldið kostar 600 kr. Flottir vinningar að vanda.                                                                  Kl: 20.00  þegar allir eru búnir að grilla og vaska upp eftir kvöldmatinn þá verður flöskuleikurinn spilaður. Svo njótum við þess að hafa það gaman saman.

 

 

Tilboð til félaga í Félagi húsbílaeigenda.

Gisting=> 800 kr. pr. mann + gistináttagjald.    Rafmagn 700 kr. pr. sólahringinn.                                                                        

Hér gera allir upp hjá staðarhaldara.

 

Félag húsbílaeiganda og Frumherji.           Tilboð 2018.

 20% afsláttur á aðalskoðun bifreiða í eigu félagsmanna gegn framvísun félagsskírteinis 2018.

ATH. Sérstakur skoðunardagur húsbíla verður í skoðunarstöð Frumherja Reykjanesbæ 5. maí. Munið eftir félagsskírteinunum 2018

Verð á skoðun þann dag er kr. 7.400.-

Á landsbyggðinni verður boðið upp á sömu kjör á fyrsta opnunardegi eftir húsbíladaginn. Gegn framvísun félagsskírteinis 2018.

Fram að húsbíladeginum veitum við 30% afslátt til félagsmanna (gildir fyrir húsbifreið).

Eftir húsbíladaginn og fram til 15. júní veitum við 30% afslátt til félagsmanna (gildir fyrir húsbifreið). Gegn framvísun félagsskírteinis 2018.

Nýir félagar:

Nr. 35, Bjarni Guðmann Ólafsson og Þórunn Hafdís Karlsdóttir 225 Álftanes

Nr.  244,   Lilja Sólrún Jónsdóttir,   107 Reykjavík.

Með sumarkveðju

Anna Pálína Magnúsdóttir formaður