Sælir félagar! Já þá er loksins búið að hefla af mestu agnúana af lokaða kerfinu og því er ég búinn að senda út aðgangs- upplýsingar þannig að þið getið skáð ykkur inn á lokaða svæðið(MITT SVÆÐI).  Ég útbjó líka skref fyrir skref leiðbeiningar um það hvernig bera skuli sig að því að skipta um Lykilorð og Aðgangsorð, og hvenrig skuli setja inn mynd í félagatalið og fl.

Var að setja inn á tilboðssíðuna sérkjaratilboð frá Orkunni og Shell. Þau bjóða meðlimum í Félagi Húsbílaeigenda, nýjan Orkulykil með sérkjörum á bensínstöðvum Shell og Orkunnar. Sérkjörin tryggja félagsmönnum allar gerðir af eldsneyti og úrvalsþjónustu á góðum afslætti í hvert sinn sem greitt er með Orkulyklinum (eða Orkukorti) hjá Shell eða Orkunni um land allt.

Sælir félagar! Var verið að bæta inn Eldsneytis – Verðvaktara á síðuna og er hann staðsettur hérna í gluggunum vinstra megin, undir ELDSNEYTISVERÐ. Þessi vaktari er í boði http://www.gsmbensin.is/ sem rekin er af Seiði ehf. Ég rakst á slíkan vaktara á heimasíðu Fíb og hafði samband við þá hjá Seiði og spurði  þá hvort mögulegt væri að fá að vera með slíkan á síðunni hjá okkur. Þeir brugðust afar vel við og báðu mig að senda sér útlitið af því hvernig hann skildi líta út og sérsniðu síðan vaktara fyrir fyrir husbill.is, okkur að kostnaðarlausu. Kunnum við þeim bestu þakkir fyrir.

Það kom í ljós þegar sendur var vefpóstur til félagsmanna að eftirtaldir félagar eru skráðir með óvirkar og/eða rangar e-mail addressur, hjá félaginu, sem taka ekki við pósti. Vinsamlegast sendið okkur nýjar e-mail addressur ásamt félagsnúmeri ykkar á: netstjori@husbill.isFélagi nr.:  142, 191, 252, 292, 380, 429, 433,  557, 571, 593, 594, 672, 673, 710, 724, 725, 739, 772, 783,

Línudanskennsla fer fram í Leikhúsi Mosfellsbæjar þriðjudaginn   27. apríl og hefst hún kl. 20:30.  Áætlað er að kennslan taki ca. 1,5 klst. – Þáttökugjald er kr. 500.-Ef næg þátttaka verður, er áætlað að endurtaka leikinn viku síðar. – Verið velkomin, Skemmtinefnd

Þá er ferðaáætlunin, sem samþykkt var einróma á afar fjölmennum ferðafundi í gær, komin á vefinn. Fundurinn var sem fyrr segir afar fjölmennur og mættu á fjórðahundrað manns. Salurinn sprakk því fljótlega og var því brugðist skjótt við og bætt við borðum og stólum og opnað fram á gang. Vonandi er þetta fyrirboði um aukna þátttöku félagsmanna í ferðum félagsis á komandi ferðasumri.

Þá er nýja síðan komin komin í loftið og ætti að vera orðin sýnileg flestum, ef ekki öllum. Það er von mín að fólk sé sátt við breytinguna þótt auðvitað verði aldrei verði öllum gert til hæfis. Ég hef reynt að hugsa fyrir flestu við hönnun vefsins en eðlilega má búast við því að einhverjir hnökrar verði á honum í fyrstu. Þessi vefur er byggður upp á mörgum mismunandi kerfiseiningum og þær flestar sérsniðnar að okkar þörfum svo að mörgu er að hyggja við samtvinningu slíkra kerfa. Þar af leiðandi þarf eflaust að fínstilla einhverja hluti og verður það gert eftir hendinni.

Fyrir þau ykkar sem hyggið á þvæling um helgina er rétt að benda á Menningarvikuna í Grindavík, sem hefst á laugardaginn, og stendur dagana 13.-20. mars. – Þar ættu allir að geta fundið eitthvað við sitt hæfi, úrval tónleika, sýninga og fl. og fl. [ Skoða Dagskrá Menningarvikunnar ]

Ég vil þakka öllum þeim sem hafa greitt félagsgjaldið beint inn á reikning félagsins, um leið og ég hvet þá sem ekki hafa greitt ennþá að gera það á næstu dögum. 10 mars. n.k. munum við senda út innheimtuseðla og þá bætist við árgjaldið 250 krónur og er það sá kostnaður sem við þurfum að greiða fyrir þessa innheimtu pr/seðil. Ég vona að þið virðið þetta við okkur, við erum að reyna eins og við getum að lágmarka kostnað fyrir félagið, nota peningana sem inn koma í eitthvað skemmtilegt fyrir félagana.Innleggsreikningur okkar er 0542-26-276 Kt. félagsins er 681290-1099, og árgjaldið er kr. 4,000.-