admin

Félag húsbílaegenda óskar félagsmönnum, svo og íslendingum öllum, gleðilegs og farsæls ferðasumars með kærri þökk fyrir veturinn. Samkvæmt kenningunum ætti sumarið að geta orðið hlýtt þar sem nú fraus saman sumar og vetur. Og ekki eru það verri vísindi en hver önnur:-)

Suðurlandsvegur er opinn almennri umferð en vegfarendur eru engu að síður beðnir að sýna fyllstu aðgát, bæði vegna öskunnar og hins að eingöngu hefur farið fram bráðabirgðaviðgerð á veginum. Ef blaut aska er á vegi getur orðið mjög hált.

Á föstudeginum 23. apríl mættu strax nokkrir bílar á planið hjá Frumherja á Hesthálsi, tilbúnir í skoðunina daginn eftir. Reyndar þurftu ekki allir að láta skoða en vildu samt koma og fylgjast með og hitta félagana. Þetta voru 7-8 bílar og lögðum við baka til við skoðunarstöðina, nóg pláss og við vorum alveg laus við alla umferð. Nóg er plássið þarna.Laugardagurinn rann  upp, sól var úti en frekar kalt, ekta gluggaveður. Bílarnir byrjuðu að streyma að uppúr kl. hálf níu um morguninn og komu svo þétt eftir það.

Við viljum minna á línudanskennsluna í kvöld,  þriðjudagskvöldið 4. maí, kl. 20.30, í húsnæði Leikfélags Mosfellsbæjar, Þverholti, Mosfellsbæ. – Skemmtinefndin.

1. ferð sumarsins 7. – 9. maí 2010, að Félagsgarði í Kjós.Þá er nú alveg komið að því að fyrsta ferðin renni upp en það er eftir 3 daga, spáin er  þokkaleg, einhver súld á að vera en enginn er verri þó hann vökni. Veðurguðirnir lofa okkur mun betra veðri en var á síðastliðnu ári.Gjald fyrir félagsmenn (sem greitt hafa árgjaldið) er 1.000 kr, pr. mann 18.ára og eldri.Gjald fyrir gesti er 1.500 kr. pr. mann 18.ára og eldri.Þeir sem ekki hafa greitt félagsgjaldið  greiða eins og gestir en geta greitt árgjaldið hjá formanni.Við viljum biðja ykkur vinsamlegast að hafa aðganseyrinn tilbúinn í reiðufé það flýtir svo fyrir afgreiðslu.Við viljum biðja þá sem eru með doppur í glugganum,

Einhverjir virðast misskilja, illilega, tilgang gestabókarinnar okkar og því er nauðsynlegt að benda á að Gestabókin er ekki frísvæði fyrir auglýsingar einstalinga og/eða fyrirtækja. Þeir sem hafa áhuga á því að auglýsa vörur, þjónustu og/eða annað, sem á sérstakt erindi við húsbílaleigendur, er bent á að senda beiðnir um slíkt til netstjóra og/eða formanns á eftirtalin netföng: netstjori@husbill.is eða husbill@husbill.is  – Félag húsbílaeigenda.

Næsta ferð á vegum félagsins er Hvítasunnuferðin, sem farin verður að Hlöðum á Hvalfjarðarströnd.  Þessi ferð er ætíð vel sótt og mikið í hana lagt og er dagskrá hennar sem hér segir:Föstudagur 21. maí:Blöð með fyrripörtum afhent við skráningu inn á svæðið. (eitt blað á bíl)22:00 – Skemmtunin sett | 22:15 – Félagsmenn hvattir til að koma með hljóðfærin  sín upp í Félagsheimilið, spila saman og endilega hafið söngbækurnar með.23:00-01:00 – Stefán G. Óskarsson leikur fyrir dansi og “Félagsmenn” sem vilja leika með í upphafi dansleiks.

Var að setja inn myndaalbúm frá Hlöðum og eins er ekki langt síðan að ég sett inn albúm frá Félagsgarði. Svo um að gera að kíkja á þetta.

Var að henda inn fréttabréfi júní mánaðar, og eins hefur þeim félagsmönnum, sem gefið hafa upp e-mail addressur, verið sent fréttabréfið í vefpósti. Svo bætast alltaf við auglýsingar á sölusíðuna reglulega svo endilega verið dugleg að kíkja inn. Minni einnig á það að láta vita ef auglýsinga er ekki lengur þörf. Hjálpumst að við að halda sölusíðunni réttri. Þannig helst hún virk og þjónar okkur bezt.

Þá er komið að næstu ferð sem er helgin 18. – 20. júní hún er á tjaldstæðið Grandavör í Hallgeirsey í Austur-Landeyum. Eins og er hefur ekki komið aska þangað en ef  vindáttir breytast, þá er ferðanefnd með plan B og mun það koma inn á netið n.k. þriðjudag 15.  júní og bið ég ykkur öll um að fylgjast með því þar, og þið sem eruð nettengd að láta vini sem ekki hafa netfang vita ef  breytingar verða.