Góða og blessaðan daginn.
Hér koma nokkur praktísk atriði varðandi Stóru ferðina okkar. Fyrst er nú t.d.gott að vita nákvæmlega hvert skal haldið.
Ég mun formlega setja ferðina að kvöldi föstudagsins 10. júlí á tjaldstæðinu á Akranesi þar kostar nóttin kr. 1000. á mann, hver borgar fyrir sig. Við gistum þar í tvær nætur.
Þaðan ökum við að Varmalandi þar sem útilegukortið gildir, það spáir fínasta þurrviðri þar í millitíðinni svo við treystum á að það verði í góðu lagi, það hefur verið blautt. Við gistum þar í tvær nætur.
Frá Varmalandi ökum við í Húsafell, þar kostar nóttin kr. 2200. fyrir tvo í bíl og kr. 1250. fyrir einn. Þriðja nóttin verður með 50% afslætti! Við gistum þar í þrjár nætur.

Bílavinaleikur. Eftir setningu Stóru ferðar er miðum dreift til þeirra sem ætla að taka þátt í leiknum. Einn miði/einn bíll. Númer bíls er skráð á miðann og brotinn vel saman (í 4 parta) Öllum miðunum blandað saman í pott og hver (bíll) dregur einn miða. Ef eigið númer er dregið skal draga aftur. Það númer sem dregið var, er Bílavinurinn.
LEIKURINN. Leikurinn gengur út á það að gleðja bílavinina hvern dag í ferðinni. Ekki skal eyða meira en 2ooo-2500.- því að glaðningurinn þarf ekki alltaf að kosta peninga. Það sem hægt er að gera til að gleðja er t.d. Skrifa fallegan texta á blað/kort. Biðja aðra félaga að skila fallegri kveðju eða knúsi frá ykkur, líka til að afhenda gjafir ef erfitt sé að fara laumulega að bíl vinanna. Kaupa hina ýmsu muni til að gleðja,skreyta bílinn eða borða, Búa til eitthvað í höndum sem hentar fyrir fólk eða bílinn, Og svo framvegis. Láta hugmyndaflugið leiða ykkur áfram. Margt er hægt að undirbúa heima fyrir ferðina sem gerir þetta bara skemmtilegra 🙂 Auðvitað á að passa uppá að bílavinurinn viti ALLS EKKI hver sé hans vinur!! Á FÖSTUDAGSKVÖLDIÐ er svo uppljóstrunin hver sé hvurs! Hægt er að gera það með því að hver og einn standi upp og segji frá hvaða bílavin hann/hún hafi átt þessa daga. Það má alls ekki blaðra um hver sé vinur hvers því að hægt er að reikna út hver sé vinurinn ef maður er nógu forvitinn! Þetta á að vera skemmtilegur leikur til að gleðja og vera gladdur 🙂

Komið öll blessuð og sæl. Nú er illt í efni því ég var að fá símhringingu í morgun, þess efnis að við getum ekki komið að Borg í Grímsnesi um helgina. Vegna ástands í þjóðfélaginu hefur afgreiðsla á úttekt á nýja tjaldstæðinu ekki verið lokið og því fór sem fór.

Þórisstaðir 12-14 júní 2020.
Þetta var fyrsta skipulagða ferðin á vegum Félags húsbílaeiganda í ár. Þessi ferð tókst mjög vel og mættu 56 bílar þessa helgi. Það var rigning á föstudag og flestir héldu til í sínum bílum eða flökkuðu á milli bíla.
Það var mikil gleði hjá félögum að hittast eftir langt frí og skemmtu sér allir vel.

Kæru félagar.
Það er með mikilli ánægju sem ég tilkynni að ferðirnar í Þórisstaði þann 12. til 14. júní og Borg í Grímsnesi þann 26. til 28.júní, eru komnar aftur í ferðaáætlun hjá Félagi húsbílaeigenda.
Stjórn vil þó árétta að 4. metra reglan á milli bíla sé virt og að fólk passi upp á sjálft sig þegar kemur að 2. metra reglunni á milli manna. Eins er þetta að sjálfsögðu með fyrirvara um að staðan verði óbreytt hjá sóttvarnar eftirliti.

Kæru félagar.
Það er með miklum trega sem ég tilkynni að stjórn og nefndir félags húsbílaeigenda neyðast til að aflýsa ferðum félagsins í sumar, allavega fram að stóru ferð.
Ástæðan ætti að vera öllum kunn en félagið getur einfaldlega ekki haldið úti skipulögðum ferðum sínum á meðan núverandi reglur gilda á tjaldstæðum.
Stjórnar og nefndarfólk munu funda og ákveða framhaldið þegar nær dregur stóru ferð og meta stöðuna þá.

Góðan daginn kæru vinir. Lítið að gerast hjá okkur Daða hvað útilegur varðar þessa dagana. Vinnan mín hefur aukist ef eitthvað er vegna ástandsins. En eins og sumir vita þá vinn ég sem félagsliði í þjónustu íbúðum fyrir geðfatlaða. Við þurfum því öll 3. í fjölskyldunni að gæta okkar sérstaklega vel því skjólstæðingar mínir eru öll með undirliggjandi sjúkdóma. Lukkan var sannarlega með mér þegar ég ákvað að skipta um vinnu eftir að ég flutti í Þorlákshöfn og hætta sem leiðsögumaður.

Góðan daginn kæru félagar.

Eins og allir vita eru skrýtnir tímar núna í þjófélaginu. En gjaldkerinn gefur ekkert eftir, það eru ca 70 númer sem eiga eftir að greiða félagsgjaldi sitt, og langar mig að að biðja þá sem þessi númer eiga að gera skil á sínu gjaldi sem fyrst. Ef viðkomandi ætlar ekki að greiða gjaldið og hætta í félaginu, þar ég líka að vita það svo ég geti tekið viðkomandi út. Endilega að drífa í þessu, þið getið hringt í mig 864-4752 ef þið viljið hætta.

kv Sibba

Kæru félagar og vinir.
Nú eru allar ferðir komnar inn hér á heimasíðuna husbill.is.
Ég hvet ykkur til að skoða þær og að sjálfsögðu að reyna sem allra flest að kíkja í heimsókn í litla færanlega þorpið okkar sem oftast í sumar.
Það er ekki víst að við leggjum að stað í fyrstu ferð í maí eins og planað er en við sjáum til.
Þetta eru sannarlega skrítnir tímar sem við erum að upplifa núna. Það væri að bera í bakkafullann lækinn að fara nánar út í hvað ég á við. Það dugar að nefna eitt orð Covid-19!

Ferðafundur féll niður sökum þess og þið fáið félagatalið ásamt skírteinum sent í pósti. Við hefðum viljað vera búin að senda það en aftur nægir að nefna orðið Covid-19 sem sökudólg. Litlaprent keyrir á takmörkuðu vinnuafli sökum sóttvarnareglna sem eru í gildi. Þannig að prentun tafðist en verður lokið í síðasta lagi á föstudag og þá bregst stjórn fljótt við og sendir þau til ykkar. Það var rætt að reyna að takmarka kostnað og fá félaga til að bera út sem mest en mín skoðun er sú að fyrst að þetta tafðist svona sé réttast að senda þau strax í pósti til ykkar svo þið getið nýtt þá afslætti sem í boði eru sem fyrst.

Kæru félagar,
Eins og ykkur eflaust hefur grunað þá neyðumst við til að aflýsa ferðafundi þetta vorið.
Í ljósi aðstæðna í þjóðfélaginu fellur bæði ferða og framhalds aðalfundur niður þann 18. apríl nsk.
Við munum upplýsa um ferðirnar rafrænt þann dag.
Stjórn hefur ákveðið að framhalds aðalfundur verði á undan aðalfundi í haust.
Eina mál á dagskrá hans verður endurtekin kosning þeirra sem ekki var rétt staðið að síðast og þá til eins árs.
Einungis formsatriði þar sem við viljum halda í heiðri lögum félagsins og sýna öllum þá virðingu sem þau eiga skilið.
Dagsetning þessa funda auglýst síðar.